ត្បូងឃ្មុំ៖ នាពិធីសម្ពោធដាក់ឲ្យប្រើប្រាស់ជាផ្លូវការមន្ទីរពេទ្យបង្អែកស្រុកក្រូចឆ្មារខេត្តត្បូងឃ្មុំ នាព្រឹកថ្ងៃទី០៣ ខែមេសា ឆ្នាំ២០២៣ សម្តេចតេជោ ហ៊ុន សែន បានអំពាវនាវដល់ពលរដ្ឋឱ្យបោះឆ្នោតជូនគណបក្សប្រជាជនកម្ពុជាដើម្បីសុខសន្តិភាព និងការអភិវឌ្ឍប្រទេសជាតិ។

សម្តេចបានថ្លែងថា៖ «សូមបោះឆ្នោតឱ្យគណបក្សប្រជាជនកម្ពុជាដើម្បីធានាម្ខាងគឺសន្តិភាព និងម្ខាងទៀត គឺដំណើរការអភិវឌ្ឍ។ ការការពារសន្តិភាពសម្រាប់ការបម្រើឱ្យការអភិវឌ្ឍគឺជាកិច្ចការរបស់យើងទាំងអស់គ្នា»។

គណបក្សប្រជាជនកម្ពុជា បើគណបក្សប្រជាជននៅបន្តកាន់អំណាច ច្បាស់ណាស់កម្ពុជាមានសន្តិភាព ស្ថិរភាព និងមានការអភិវឌ្ឍ។ សម្តេចបន្តថា រាជរដ្ឋាភិបាលនឹងមិនអត់ឱនឱ្យអ្នកដែលចង់ផ្តួលរលំរាជរដ្ឋាភិបាល ការប្រមាថព្រះមហាក្សត្រ និងបំផ្លាញសន្តិភាពឡើយ។

សូមបញ្ជាក់ថា ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ការរាប់សន្លឹកឆ្នោត និងការបិទផ្សាយលទ្ធផលនៅការិយាល័យបោះឆ្នោតនឹងប្រព្រឹត្តឡើងនៅថ្ងៃទី២៣ ខែកក្កដា ឆ្នាំ២០២៣៕